ئه‌لبوومی پێشمه‌رگه‌كان

Www.Peshmergekan.Com


لیستی ئه‌لبوومه‌كان :: چوونه‌ ژووره‌وه‌‌
دوا لكاندراو :: دووا لێدوان :: زیاتر بینراوه‌ :: باشترین پله‌‌ :: دڵخواز :: گه‌ڕان
   

ماڵه‌وه‌ > 10 ی خاکه‌لێوه‌
كلیك بكه‌ بۆ گه‌وره‌كردنی وێنه‌كه‌
به‌ڕێوه‌چوونی ڕێوره‌سمی ساڵڕۆژی شه‌هیدان له‌ شاری یۆتوبۆری سوید

رۆژی یەکشەممە، ڕێکەوتی١٥ی خاکەلێوەی ١٣٩٥ی هەتاوی، کومیتەی حیزبی دێمۆکراتی کوردستانی ئێران لە شاری " یوتوبۆری" وڵاتی سوید بە هاوکاری ڕێکخراوی " ئابی ئێف"ی سویدی لەو شارە رێورەسمێکی بە بۆنەی ١٠ی خاکەلێوە، ڕۆژی شەهیدانی کوردستان بەڕێوە بەرێوە برد.
لەو رێورەسمەدا بەشێکی بەرچاو لە بنەمالەی سەر بەرزی شەهیدان، ئەندامان و لایەنگران و دۆستانی 'حدکا' و هەر واها نوێنەرانی هێزو لایەنە سیاسییە کوردوکوردستانییەکان و بە گشتی کوردانی هەر چوار پارچەی کوردستانی دانیشتووی ئەو شارە بەشدار بوون.
ڕێورەسمەکە‌ به‌ سروودی نه‌ته‌وایه‌تی " ئه‌ی ڕه‌قیب" و خۆله‌کێک بێ ده‌نگی بۆ ڕێزگرتن له‌ گیانی پاکی شه‌هیدانی ١٠ی خاکەلێوە و هەموو شەهیدانی کورد و کوردستان ده‌ستی پێکرد.

سه‌ره‌تا لە لایەن بەرێوەبەری بەرنامە " سیروس رەئوفی" بە نوێنەرایەتی کومیتەی حیزبی دێموکراتی کوردستانی ئێران لە شاری یوتوبۆری بەخێرهاتنی بەشداربوانی کرد و داوای لە کۆڕگێر، بەڕێز دوکتۆر " حوسێن خەلیقی" ئەندامی کومیتەی ناوەندی حیزب و نووسەر و سیاسەتمەداری کورد کرد کە تەشریف بێنێت و باسەکانی سەبارەت بە ١٠ی خاکەلێوە ڕۆژی شەهیدانی کوردستان پشکەش بکات.

بەڕێز: دوکتۆر خالقی باسێکی تێر و تەسەڵی لە سەر مێژووی شەهیدانی کۆمار و کەسایەتی نەمر پێشەوا قازی محەممەد و هاورێانی کرد.
کاک دوکتۆر لە درێژەی باسەکەیدا ئاماژەی بە بیری نەتەوەیی و نەقشی ڕێبەرایەتی کردنی نەمر پێشەوا قازی محەممەدی لەو سەردەمە ئاستەمەدا کرد و گەورەیی و زانایی و نەترسی شەهید قازی محەمەدی بەرز نرخاند.
پاشان پەیامێکی تایبەتی بەو بۆنەوە لە لایەن بەرێز" هەڵبەست دیلان"ەوە پێشکەش کرا، تیایدا داوای لە سەرجەم لایەنە سیاسییە کورد و کوردستان کرد بوو، کە یەک بگرن و یەک دەنگ بن بەرانبەر بە دوژمنان و جیتر تەشەبوس بە دوژمناکانی نەتەوەی کورد نەکەن.
لە تەوەرێکی دیکەی بەرنامەکەدا لە لایەند شاعێری هەڵکەوتوی گەلەکەمان بەرێز لارزۆ بەکر شێعرێک بە بەبۆنەی ئەم یادەوە خوێندرایەوە.
لە بڕگەیەکی دیکەی ڕێوڕەسمەکەدا بەشدابووان بە کۆمەڵێ پرسیار و تێبینی جوانەوە بەشدارییان کرد و لەلایەن کۆڕگێڕ بەرێز: دوکتۆر خەلیقییەوە وڵام درانەوە.

له‌ بەشی کۆتایی ڕێوڕه‌سمه‌کەدا‌، لەلایەن بەشی رێزگرتن لە بنەماڵەی بەرێزی شەهیدان، بەڕێزان: " ئەنوەر مەحمودزادە و مژدە حەیدەری"یەوە شاخە گوڵ و نامەی تایبەتی " کۆمسیۆنی کۆمەلایەتی" حیزبی دێموکراتی کوردستانی ئێران، کە بە بۆنەی ١٠ی خاکەلێوە رۆژی شەهیدان کوردستان ئامادە کرابوو، پێشکەش بە بنەماڵەی سەربەرزی شەهیدانی هەموو بەشەکانی کوردستان کە لەو کۆڕیادەدا بەشداربوون کرا و ڕێوڕەسمەکەدا کۆتایی پێهات.

حیزبی دێموکراتی کوردستانی ئێران- یوتوبۆری،
٣ی ئاپریلی ٢٠١٦ی زایینی،
١٥ی خاکەلێوەی ١٣٩٥ی هەتاوی،
 
10y-xakelewe-eskilstuna-suid-2016_12.jpg  10y-xakelewe-eskilstuna-suid-2016_13.jpg  10y-xakelewe-eskilstuna-suid-2016_14.jpg  10y-xakelewe-eskilstuna-suid-2016_15.jpg  10y-xakelewe-eskilstuna-suid-2016_16.jpg  10y-xakelewe-eskilstuna-suid-2016_17.jpg  10y-xakelewe-eskilstuna-suid-2016_18.jpg  10y-xakelewe-eskilstuna-suid-2016_19.jpg